Birləşmiş Ərəb Əmirliklərinin Abu Dabi şəhərində — BRIDGE Summit 2025 start götürüb. Bu, media, kontent, texnologiya və yaradıcılıq sahələrini bütöv şəkildə birləşdirməyi hədəfləyən qlobal forumdur.
Tədbirin ölçüsü kifayət qədər böyükdür: planlaşdırıldığı kimi, Summit-ə 60 000-dən çox iştirakçı, 430+ spiker və 300-dən çox exhibitor qatılacaq.
İlk gündə isə tanınmış aktyor və prodüser Idris Elba çıxış edərək, yaradıcıların qlobal media məkanında güclü platformaya malik olduğunu vurğulayıb. O, xüsusilə Afrika yaradıcılığının dünya səhnəsində söz sahibi ola biləcəyini bildirib.
Summit-də media, gamer-ekosistem, musiqi, texnologiya, marketing və vizual kontent kimi 7 əsas istiqamət üzrə sessiyalar keçiriləcək. Məqsəd — sosial media, süni intellekt, yaradıcı sənətlər və biznesi birləşdirərək “məzmun iqtisadiyyatı”nın gələcəyini formalaşdırmaqdır.
Mənbə: EnSonHaber