Bugun.tv xəbər verir ki, Böyük Britaniyada ABŞ hərbçilərinin istifadə etdiyi RAF Fairford hava bazasının yaxınlığında bir sıra evlər təxliyə edilib.
“Al Jazeera”nın məlumatına görə, Qlosterşir polisi ərazidə “böyük insident” elan edib və bir neçə nəfəri partlayıcı maddələrlə bağlı qanunvericiliyin pozulması şübhəsi ilə saxlayıb.
Britaniya ordusunun xüsusi partlayıcı maddələrin zərərsizləşdirilməsi qrupu bir neçə nəqliyyat vasitəsini araşdırır. Təhlükəsizlik tədbirləri çərçivəsində Uelford yaşayış məntəqəsindəki bəzi sakinlər yaxınlıqdakı istirahət mərkəzinə aparılıb.
Hadisənin RAF Fairford hava bazasının yaxınlığında baş verməsi xüsusi diqqət çəkib. Bu baza ABŞ hərbi qüvvələri tərəfindən də istifadə olunur.
Polis araşdırmanın davam etdiyini bildirərək, ərazidə təhlükəsizlik tədbirlərinin gücləndirildiyini açıqlayıb.
Mənbə: Al Jazeera