Brovarıda helikopterin qəzaya uğraması nəticəsində Ukraynanın Daxili İşlər Nazirliyinin rəhbərliyi həlak olub.
“Bu gün səhər, yanvarın 18-də Brovarıda Dövlət Fövqəladə Hallar Xidmətinin helikopteri qəzaya uğrayıb. Qəza nəticəsində Daxili İşlər Nazirliyinin rəhbərliyi həlak olub: nazir Denis Monastırski, nazirin birinci müavini Yevgeni Yenin və dövlət katibi Yuri Lubkoviç”, – deyə məlumatda bildirilib.
Helikopter qəzasında ümumilikdə ikisi uşaq olmaqla 16 nəfərin öldüyü bildirilib. Məlumata görə, qəzada yaralanan 22 nəfər xəstəxanaya yerləşdirilib, onlardan 10-u uşaqdır. Hadisə yerinə xilasedicilər, təcili tibbi yardım maşınları və polis cəlb olunub.
Hərbi Hava Qüvvələri Komandanlığının spikeri Yuri İqnat bildirib ki, Dövlət Fövqəladə Hallar Xidmətinin tapşırıqlarını yerinə yetirən helikopter uşaq bağçasının yaxınlığında qəza edib və nəticədə genişmiqyaslı yanğın baş verib.
Mənbə: unian.net