Bugun.tv xəbər verir ki, bu il kibertəhlükəsizlik sahəsində səriştəli və ixtisaslı işçi qüvvəsi yaratmaq üçün qurulan İstanbul Texniki Universiteti (İTU) Kiber Təhlükəsizlik Peşə Məktəbi gələcəyin “Etik Hakerləri” yetişdirməyə başlayıb. Ali Təhsil Şurası (YÖK) ilə Prezident yanında Rəqəmsal Çevrilmə İdarəsi arasında imzalanan protokol çərçivəsində qurulan İTU Kiber Təhlükəsizlik Peşə Məktəbi bu il 25 tələbə qəbul edib.
TRT Haber-in məlumatına görə, tədris dilinin ən azı 30 faizi ingilis dili olan məktəbdə tələbələrə kibertəhlükəsizlik sahəsində əsas fənlər, həmçinin təhlükəsizlik texnologiyaları, şəbəkə təhlükəsizliyi, nüfuzetmə testləri və məlumatların təhlili üzrə təlimlər keçirilir.
Məktəb Kiber Vətəni zərərli proqramlardan və kiberhücumlardan qoruyacaq “ağ papaq” hakerləri (yaxşı niyyətli kibertəhlükəsizlik mütəxəssisləri) yetişdirməyi hədəfləyir.