Bugun.tv xəbər verir ki, Yaponiyanın paytaxtı Tokionun qərbində yerləşən Yokota hava bazası bomba təhlükəsi səbəbiylə boşaldılıb. Aviabazaya giriş-çıxışlar bağlanıb. Baza şəhərciyindəki bəzi binalardakı zabitlər və ABŞ və Yaponiya mülki işçiləri təxliyə edilib. 374-cü Hava Hərəkəti Qanadının qərargahı tamamilə boşaldılıb.
Təxminən 3 saat davam edən təhlükəsizlik yoxlamaları nəticəsində bazanın təhlükəsiz şəkildə xidmətə davam edə biləcəyi məlumatı paylaşılıb. Hərbçilər və mülki şəxslər öz postlarına qayıtdıqları üçün aviabazanın giriş və çıxışları yenidən açılıb. Qeyd edək ki, Yokota Hava Bazasında təxminən 14.000 əsgər yerləşdirilib.
Mənbə: TRT Haber