Pulsuz wi-fi xidmətindən yararlanmaq istəyən sərnişinlər ekranlarında İslam əleyhinə mesajlarla qarşılaşdıqdan sonra wi-fi xidməti tez bir zamanda dayandırılıb.
İngiltərənin ən sıx qatar stansiyalarında pulsuz Wi-Fi xidmətindən istifadə etməyə çalışan sərnişinlər həyatlarının şokunu yaşadılar.
Sərnişinlər telefon ekranlarında İslam əleyhinə mesajla rastlaşıblar.
Hücum Manchester Piccadilly, Birmingham New Street, Edinburgh Waverley və Londonda 10 stansiya daxil olmaqla ümumilikdə 19 qatar stansiyasında baş verib.
Sərnişinlər wi-fi-a qoşulmağa çalışarkən “Biz səni sevirik, Avropa” başlıqlı səhifədə terror hücumlarına istinad edən məzmunla qarşılaşıblar.
Təsirə məruz qalan stansiyalara London Bridge, Paddington, King’s Cross, Waterloo və Liverpool Lime Street kimi böyük stansiyalar daxildir.
Kiberhücum hadisəsindən sonra başladılan istintaq çərçivəsində hərəkətə keçən İngiltərə Nəqliyyat Polisi hücumla əlaqədar bir nəfəri nəzarətə götürüb.
Independent qəzetindəki xəbərlərdə; Hücumun “Network Rail”ə wifi xidməti göstərən “Global Reach Technology” şirkətində çalışan şəxs tərəfindən həyata keçirildiyi bildirilib.
Müəyyən edilmiş şübhəli şəxs 1990-cı il Kompüterdən Sui-istifadə Aktı və 1988-ci il Zərərli Əlaqələr Aktı ilə ittiham olunaraq saxlanılıb.
Digər tərəfdən səlahiyyətlilər, hücumda şəxsi məlumatlara toxunulmadığını açıqlayıb.
Mənbə: EnSonHaber