Baş xəbərDünyaMaraqlı faktlar

Bu gündən istehsalı 2013-cü ilədək olan avtomobillərin Gürcüstana idxalı qadağan edildi

Bu gündən etibarən istehsal ili 2013-cü ilədək olan avtomobillərin Gürcüstana idxalı qadağan edilir.

Bugun.tv xəbər verir ki, bununla bağlı Gürcüstan hökuməti müvafiq qərar qəbul edib.

Qərara əsasən istehsal ili 2013-cü ilədək olan minik avtomobillərinin 2024-cü il yanvarın 1-dən ölkəyə idxalı qadağa edilir. Lakin qərar qüvvəyə minənədək son 3 ayda alınan və müxtəlif səbəblərdən bu günədək ölkəyə gətirilməsi yubanan avtomobillərin idxalına icazə veriləcək.

Qərarda həmçinin qeyd olunub ki, 2025-ci il yanvarın 1-dən etibarən avtobus və yük maşınları üçün də analoji qadağa tətbiq ediləcək.

Bildirilib ki, sözügedən qərar Gürcüstanın “Avro-5” standartına keçidi ilə bağlıdır.

İqtisadçı ekspertlərin hesablamalarına görə, hazırda Gürcüstanda istifadə olunan minik avtomobillərinin 90 faizindən çoxunun istehsal tarixi 2013-cü ildən aşağıdır.

Elnarə Dərziyeva

Oxşar xəbərlər

Yük maşını boş dükana çırpıldı: 1 yaralı var

Bugün TV

Ramazanın 13-ci günü – İmsak və iftar vaxtı

İntizar Əmirova

Sərnişin avtobusu dərəyə aşdı: 3 nəfər öldü, 22 nəfər yaralandı

Bugün TV

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu