Bugun.tv xəbər verir ki, Qazaxıstanla Özbəkistan arasında 19 il davam edən dövlət sərhədlərinin müəyyən edilməsi prosesi başa çatıb.
Qazaxıstan Xarici İşlər Nazirliyinin sözçüsü Aybek Smadiyarov mətbuat konfransında bildirib ki, iyulun 4-dən Qazaxıstan-Özbəkistan dövlət sərhədinin müəyyən edilməsinə dair saziş hər iki ölkədə qüvvəyə minib.
Sözügedən sazişin 2022-ci il dekabrın 2-də prezidentlər tərəfindən imzalandığını və daha sonra iki ölkənin parlamentləri tərəfindən təsdiqləndiyini qeyd edən Smadiyarov, bununla da Qazaxıstan və Özbəkistan arasında dövlət sərhədinin müəyyənləşdirilməsi ilə bağlı 19 illik prosesin tamamilə başa çatdığını açıqlayıb.
Qazaxıstanın Özbəkistanla 2357 kilometr uzunluğunda sərhədi olduğunu qeyd edən Smadiyarov əlavə edib ki, 8 min səhifədən ibarət müqavilə ilə iki ölkə arasında dövlət sərhədi 1301 nişanla müəyyən edilib.
Mənbə: TRT Haber