ABŞ-ın Çikaqo şəhərində baş verən müxtəlif atışmalarda 4 yaşlı uşaq ölüb, 7 uşaq yaralanıb.
Bugun.tv-nin ABC News-dan əldə etdiyi məlumata görə, 4 yaşlı Muçal Molti şəhərin Vudlavn məhəlləsindəki evinin qarşısında açılan və pəncərəsindən içəri daxil olan iki güllə ilə başından xəsarət alıb. Xəstəxanaya aparılan Moltinin həyatını xilas etmək mümkün olmayıb.
“Şahidlər təxminən 18 atəş səsi eşitdiklərini deyir.”
Daha bir azyaşlı xəstəxanadadır, həkimlər onun vəziyyətini ağır olaraq qiymətləndirirlər. Bundan başqa, daha bir yeddi yaşlı uşaq xəsarət alıb.
Hadisəni törədən şəxs haqqında hələlik dəqiq məlumatın olmadığı bildirilir.
Mənbə: ABC News