China ilə North Korea arasında COVID-19 pandemiyası səbəbilə dayandırılan sərnişin uçuşları yenidən bərpa edilib.
Məlumata görə, Air China aviaşirkətinə məxsus “CA121” reysi yerli vaxtla saat 08:05-də Pekin Paytaxt Beynəlxalq Hava Limanından havaya qalxaraq saat 11:00-da Pxenyan şəhərində yerləşən Sunan Beynəlxalq Hava Limanına eniş edib. Bununla da iki ölkə arasında uzun fasilədən sonra hava əlaqəsi yenidən aktivləşdirilib.
Bildirilib ki, Pekin–Pxenyan marşrutu üzrə uçuşlar 30 mart tarixindən etibarən müntəzəm şəkildə həyata keçiriləcək. Air China bu istiqamətdə Boeing 737-800 tipli təyyarələrlə həftədə iki dəfə qarşılıqlı reyslər təşkil etməyi planlaşdırır.
Digər tərəfdən, Air Koryo artıq 2023-cü ilin sonlarından etibarən Çinə uçuşları mərhələli şəkildə bərpa etmişdi və hazırda Pekin və Şenyang şəhərlərinə müntəzəm reyslər həyata keçirir.
Qeyd edək ki, iki ölkə arasında pandemiya dövründə dayandırılan qatar reysləri də bu ayın ortalarında yenidən fəaliyyətə başlayıb. Uçuşların bərpası ilə Çin və Şimali Koreya arasında nəqliyyat əlaqələrinin tam şəkildə normallaşdığı bildirilir.
Mənbə: Ensonhaber