Bugun.tv xəbər verir ki, Çinin şimalındakı Şandun əyalətində səhər saatlarında 5,5 bal gücündə zəlzələ baş verib.
Episentri vilayətin şərqindəki Dicou şəhərinin Pingyuen rayonunda olan zəlzələ nəticəsində 21 nəfər xəsarət alıb, 126 bina uçub.
Dövlət Şurası və Fövqəladə Hallar Nazirliyi zəlzələdən sonra 4-cü səviyyəli həyəcan vəziyyəti elan edib. Axtarış-xilasetmə və yardım işləri üçün bölgəyə qruplar göndərilib.
Zəlzələ səbəbindən Pekin və Tianjin şəhərlərindən və qonşu Hibey əyalətindən qatarların hərəkəti dayandırılıb.
Səlahiyyətlilər zəlzələ zamanı nəqliyyat, rabitə və elektrik infrastrukturuna heç bir ziyan dəymədiyini, neft və təbii qaz kəmərlərində heç bir sızma aşkar edilmədiyini bildirib.