Bugun.tv xəbər verir ki, Britaniya Sağlamlıq Təhlükəsizliyi Agentliyi (UKHSA) Covid-19-un yeni variantı olan “BA.2.86″nın İsrail və Danimarkadan sonra İngiltərədə də görüldüyünü açıqlayıb.
UKHSA-dan verilən açıqlamada, Omicron variantının bir növü olaraq ortaya çıxan yeni virus görüldüyü ifadə edildi.
Açıqlamada bildirilib ki, “BA.2.86” Omicron-dan genomik cəhətdən daha uzaqdır və hazırda mövcud variantlarla daha çox mutasiyaya malikdir.
Səyahət tarixi olmayan bir insanda bu virusun görünməsinin ölkə daxilində yoluxmaya işarə etdiyi bildirilən açıqlamada, yeni variantın xüsusiyyətləri və şiddəti ilə bağlı hələlik kifayət qədər məlumatın olmadığı qeyd edilib. “Böyük Britaniyada təsdiqlənmiş bir hal var. UKHSA hazırda ətraflı qiymətləndirmə aparır və vaxtı gələndə daha çox məlumat verəcək”, – UKHSA-nın vitse-prezidenti Meera Çand deyib.