Bugun.tv xəbər verir ki, Haitinin əsas həbsxanasına hücumdan sonra dəstələr yüzlərlə məhbusu azad ediblər. Müvafiq məlumatı “Gazette Haiti” yayıb.
Qeyd olunur ki, silahlı qruplaşmaların üzvləri Port-o-Prensdə bir quruma hücum ediblər. Eyni zamanda həbsxananı qoruyan polislər də onların hücumuna müqavimət göstərə bilməyiblər.
Nəşrin məlumatına görə, həbsdən qaçan məhbuslar arasında nüfuzlu dəstələrin tanınmış üzvləri də olub. Hadisə nəticəsində ölən və yaralananlar barədə məlumat verilməyib.
2023-cü ilin oktyabrında Fransada həbsxanadan vertolyotla qaçan məhbusa yeni həbs cəzası kəsildiyi bildirilib. 51 yaşlı Redouane Faid 2018-ci il iyulun 1-də günorta saatlarında Reo şəhərindəki həbsxanadan qaçıb.
Müxbir Qaytən Qasımzadə
Mənbə lenta.ru