Qətərdə təşkil olunan DÇ-2022-də növbəti oyunlar keçirilib.
Bugun.tv xəbər verir ki, mundialın 8-ci gününün son matçı E qrupunda baş tutub.
Son üç mundialdan ikisinin qalibi İspaniya – Almaniya duelində qarşılaşıb. Hans-Diter Flikin yetirmələri dörd il əvvəlki fiaskonu yaşamamaq üçün bu görüşdən müsbət nəticə ilə ayrılmalı idi. Bundestim tapşırığın öhdəsindən müəyyən qədər gəlib. Hərəyə 1 qol vuran tərəflər matçdan bərabərliklə ayrılıb. Beləliklə, bu qrupda 1/8 finalçıların adına son turda aydınlıq gələcək.
Qeyd edək ki, E qrupunun digər oyununda Yaponiya ilə Kosta-Rika qarşılaşıb və ikincilər 1:0 hesabı ilə qalib gəlib.
DÇ-2022, qrup mərhələsi
27 noyabr, II tur
E qrupu
23:00. İspaniya – Almaniya 1:1
Qollar: Alvaro Morato, 62 – Niklas Füllkruq, 83