Bugun.tv xəbər verir ki, Milli Məclisin deputatı, iqtisadçı Vüqar Bayramov Malayziyaya səfəri çərçivəsində Malayziya Senatının Prezidenti Avanq Bemee ilə görüşüb.
Deputat bu barədə öz sosial media hesabıında paylaşım edib.
Görüş zamanı Azərbaycan və Malayziya arasında münasibətlərin daha da inkişaf etdirilməsi, eləcə də qanunverici orqanlar arasında əməkdaşlığın dərinləşdirilməsi məsələləri müzakirə olunub.
Tərəflər ölkələr arasında viza liberallaşdırılması ilə bağlı anlaşma sənədinin daha qısa müddətdə imzalanmasının vacibliyini vurğulayıblar.
Bununla yanaşı, kənd təsərrüfatı və emaledici qida sənayesi sahələrində əməkdaşlıq perspektivləri ətrafında da fikir mübadiləsi aparılıb.
