Saat 10 radələrində Abşeron rayonu Digah kəndində 4 nəfərə kəsici alətlə xəsarət yetirilməsi barədə polisə məlumat daxil olub.
Bu barədə Bugun.tv-yə DİN-in mətbuat xidmətindən bildirilib.
Verilən məlumata görə, 68 yaşlı H.Həşimov, onun həyat yoldaşı və övladı və digər kənd sakini aldığı xəsarətlərdən xəstəxanaya yerləşdirilib.
Onlardan 57 yaşlı Zümrüd Həşimova və 68 yaşlı Hicran Sərrac oğlu Həşimov tibbi müdaxilələrə baxmayaraq, xəstəxanada ölüb.
Cinayət əməlini törətməkdə şübhəli bilinən, 49 yaşlı, əvvəllər məhkum olunan Həşimov Sərxan Mirzəağa oğlu polis əməkdaşları tərəfindən saxlanılıb.
Xəsarət alan şəxslərdən 3 nəfər – S.Həşimovun əmisi və onun ailə üzvləridir.
Faktla bağlı araşdırma aparılır.