“Rusiya onu Rumıniyaya “satan” Moldovanın hazırkı liderləri ilə danışıqlar aparmamalıdır”.
Bugun.tv xəbər verir ki, bunu Təhlükəsizlik Şurasının sədr müavini Dmitri Medvedev deyib.
O, bu sözləri Moldovanın baş naziri Dorin Recean hökumətin Rusiya prezidenti Vladimir Putinin ölkəyə daxil olmasına icazə verməyəcəyini deməsindən sonra söyləyib.
“Yerli Moldova bossları vətənlərinə xəyanət edərək, onu Rumıniyaya satdılar və onlarla nə isə danışmağın mənası yoxdur”, – Medvedev Telegram-da bildirib.
O, vurğulayıb ki, hazırda heç kim Moldovaya getməyə hazırlaşmır.
Qeyd edək ki, Moldovanın baş naziri Dorin Recean dünən TV-8 telekanalına müsahibəsində ölkəsinin Rusiya prezidentinin səfərinə icazə verməyəcəyini bildirib.
Mənbə: TASS