Ədəbiyyatımızda “Bahar oğlu” adı ilə anılan dahi ədib Cəfər Cabbarlının anadan olmasından 124 il keçir.
Cəfər Cabbarlı 1899-cu il martın 20-də Xızıda yoxsul kəndli ailəsində anadan olub. Kömürçü işləyən atası Qafar Cabbarlı görmə qabiliyyətini itirdikdən sonra ailə məcburiyyət qarşısında Bakıya köçərək, “dağlı məhəlləsi” adlanan yerdə yaşamağa başlayıb. Cəfərin 3 yaşı olanda atası vəfat edib. Evin yükü anası Şahbikə xanımın üzərinə düşüb. O, imkanlı ailələrin paltarlarını yuyub, çörəklərini bişirərək Cəfəri dini məktəblərə qoyub.
Cəfər Cabbarlı Azərbaycan ədəbiyyatının tanınmış dramaturqlarından sayılır. Onun “Vəfalı Səriyyə, yaxud göz yaşları içində gülüş”, “Solğun çiçəklər”, “Nəsrəddin şah”, “Trablis müharibəsi” və ya “Ulduz”, “Ədirnə fəthi”, “Bakı müharibəsi”, “Aydın” kimi əsərləri bu gün də oxucuları tərəfindən rəğbətlə oxunur.
C.Cabbarlı 1934-cü ilin dekabrın 31-də səhər saat 4-də vəfat edib.
Allah rəhmət eləsin!