“Rusiya və Türkiyə qaz qovşağı layihəsinin həyata keçirilməsi üzərində işləməyə davam edəcəklər. Layihə kifayət qədər mürəkkəbdir. Bəzi əngəllər, o cümlədən gecikmələr və digər məsələlər üzündən bir az gözləməli olacağıq”.
Bugun.tv xəbər verir ki, bunu Kremlin sözçüsü Dmitri Peskov jurnalistlərə bildirib.
“Türkiyə mərkəzi ilə bağlı belə hallar qaçılmazdır. Biz layihənin icrasını izləyəcəyik və türk tərəfdaşlarla əməkdaşlığı davam etdirəcəyik”, – deyə o, əlavə edib.
Bundan əvvəl, Türkiyə prezidenti Rəcəb Tayyib Ərdoğan bildirmişdi ki, Ankara qaz qovşağı layihəsini tez bir zamanda həyata keçirməyə çalışır.
Mənbə:TASS