Bugun.tv xəbər verir ki, ispaniyalı məşhur müğənni Enrike İqlesas öz “İnstagram” hesabında Türkiyə və Suriyaya yardım üçün çağırış edib.
“Türkiyə və Suriyanın hazırda bizim köməyimizə ehtiyacı var. Lütfən, sevgi və maddi dəstəyinizi əsirgəməyin. “Save The Children’s Emergency Fund” bu kimi fəlakətlərə kömək etmək üçün yaradılıb. Türkiyə və Suriyada baş verən iki dağıdıcı zəlzələdən sonra minlərlə insan həyatını itirdi. Uşaqlar və onların ailələrinin hazırda qida, sığınacaq və isti geyimlərə ehtiyacı var. Komandamız oradadır, kömək etməyə hazırdır”, deyə o, qeyd edib.
O, öz profilində yardım üçün keçid paylaşaraq, hər kəsi Uşaq Təcili Yardım Fonduna dəstək olmağa dəvət edib.