Toronto Universiteti (U of T) Google-nin ayırdığı 10 milyon dollarlıq maliyyə dəstəyi hesabına süni intellekt sahəsində yeni Hinton Kafedrasının (Hinton Chair in Artificial Intelligence — Hinton adına süni intellekt üzrə professor vəzifəsi) yaradıldığını elan edib.
Universitet rəhbərliyi bildirib ki, bu təşəbbüs həm U of T-də, həm də Google-da böyük iz qoymuş Nobel mükafatı laureatı Geoffrey Hinton-un elmi irsini yaşatmaq məqsədi daşıyır.
Universitetin prezidenti Melani A. Woodin Google-un göstərdiyi dəstəyə görə təşəkkür edərək bildirib ki, yeni kafedra süni intellekt sahəsində beynəlxalq səviyyəli mütəxəssislərin universitetə cəlb edilməsinə və bu istiqamətdə aparılan dönüş yaradan tədqiqatların güclənməsinə imkan verəcək. U of T Google-nin ayırdığı vəsaiti əlavə 10 milyon dollarla tamamlayaraq ümumi investisiyanı 20 milyon dollara çatdırıb.
Bu tarixi investisiya Hinton Kafedrasını universitetin ən nüfuzlu elmi araşdırma vəzifələrindən birinə çevirir.
Yeni professorluğun yaradılması süni intellekt üzrə qabaqcıl araşdırmaların dəstəklənməsinə, fundamental elmi kəşflərin sürətlənməsinə və AI sahəsində növbəti mərhələyə keçid üçün güclü elmi baza formalaşdırılmasına xidmət edəcək.
Mənbə: Artsci.utoronto