Bugun.tv xəbər verir ki, Counterpoint Research şirkətinin 2026-cı ilin ikinci rübü üzrə araşdırmasına əsasən, dünyanın ən çox satılan smartfon modelləri müəyyənləşib. Siyahının ilk üç pilləsində Apple-ın iPhone 17 seriyası qərarlaşıb. Standart iPhone 17 dünya üzrə ən çox satılan smartfon olub və qlobal satışların 6 faizini təşkil edib. Onu iPhone 17 Pro Max və iPhone 17 Pro izləyib.
Samsung-un ən uğurlu modeli isə dördüncü pilləyə yüksələn Galaxy S26 Ultra olub. Counterpoint Research bildirir ki, bu, ilk dəfədir ki, ultra-premium Android smartfonu iyun ayı ilə başa çatan rübdə Android cihazları arasında birinci yeri tutur. Galaxy S26 Ultra eyni zamanda S26 seriyasının satışlarının yarıdan çoxunu təşkil edib.
İlk 10-luq tamamilə Apple və Samsung modellərindən ibarət olub. Apple beş, Samsung isə beş modellə siyahıda yer alıb. İlk 10 model birlikdə qlobal smartfon satışlarının 26 faizini təşkil edib. Bu göstərici ötən ilin eyni dövrü ilə müqayisədə 2 faiz bəndi artıb.
Counterpoint Research-ə görə, qlobal smartfon bazarı ikinci rübdə yaddaş çipləri çatışmazlığı və qiymət artımları fonunda illik müqayisədə 11 faiz kiçilib. Buna baxmayaraq, Apple-ın satışları 5 faiz artıb.
Mənbə: EnSonHaber