Bugun.tv xəbər verir ki, Avropa İttifaqı iri şirkətlərə, o cümlədən ABŞ-ın böyük texnologiya şirkətlərinə təsir göstərə biləcək yeni vergi mexanizmini nəzərdən keçirir.
Reuters-in “Financial Times”a istinadən yaydığı məlumata görə, Brüssel illik gəliri yüksək olan iri şirkətlər üçün ümumi vergi tətbiq etmək imkanını müzakirə edir. Bu addım Aİ büdcəsinə əlavə gəlir gətirmək məqsədi daşıyır.
Təklif xüsusilə Avropa bazarında böyük fəaliyyət göstərən ABŞ texnologiya şirkətlərinə təsir göstərə bilər. Belə bir mexanizmin tətbiqi Vaşinqtonla ticarət və tarif məsələləri ətrafında gərginliyin artdığı bir dövrdə gündəmə gəlib.
Avropa Komissiyası növbəti uzunmüddətli büdcə dövrü üçün yeni gəlir mənbələri axtarır. İri şirkətlərə tətbiq edilə biləcək verginin konkret forması və dərəcəsi ilə bağlı yekun qərar isə hələ qəbul edilməyib.
Təşəbbüsün Aİ üzv dövlətləri arasında da müzakirə olunacağı gözlənilir.
Mənbə: Reuters