Rusiyadan bütün dünyanı narahat edən bir addım gəlib. Rusiya Müdafiə Nazirliyi nüvə silahı təliminin ikinci mərhələsinin başladığını açıqlayıb. Vladimir Putinin qərarı ilə Rusiya qeyri-strateji nüvə qüvvələrinin təlimlərinin ikinci mərhələsinə keçib. Bütün dünyanı narahat edən bu addımdan sonra nazirlikdən verilən açıqlamada “Təlim zamanı Rusiya və Belarus silahlı qüvvələrinin qeyri-strateji nüvə silahlarının müharibədə istifadəsi ilə bağlı birgə təlim məsələləri üzərində işləyəcəyi” bildirilib. Bəyanatda təlimin Rusiya-Belarus İttifaqı dövlətinin suverenliyi və ərazi bütövlüyünün qeyd-şərtsiz təmin edilməsi məqsədi ilə həyata keçirildiyi, məqsədin şəxsi heyətin və texnikanın hazırlığını təmin etmək olduğu vurğulanıb.
Təlimin birinci mərhələsində Cənub Hərbi Dairəsindəki raket bölmələri “İsgəndər” operativ-taktiki raket kompleksindən istifadə üzrə təlim keçib.
Həmçinin bildirilib ki, Rusiya Aerokosmik Qüvvələrinin xüsusi döyüş bölmələri aviasiya silahları, o cümlədən “Kinjal” aeroballistik hipersəs raketləri ilə təchiz olunub və təyin olunmuş patrul bölgələrinə uçuşlar həyata keçirir.
Mənbə: TGRT