Bugun.tv xəbər verir ki, Balıkəsirdə Edremit rayonunda yaşayış binasının 2-ci mərtəbəsində baş verən yanğında tüstüdən zərər çəkən 4 nəfər təcili yardımla xəstəxanaya aparılaraq müalicə altına alınıb. Cümhuriyyət Məhəlləsi İnönü küçəsindəki 113 nömrəli mənzilin ikinci mərtəbəsindən tüstü çıxdığını görən ətrafdakıların xəbəri ilə əraziyə xilasetmə, təcili yardım, təbii qaz və polis qrupları sövq edilib.
TRT Haber-in məlumatına görə, Balıkesir Böyükşəhər Bələdiyyəsi Edremit Xilasetmə Müdirliyi qrupları qısa müddətdə alova müdaxilə edərək digər mənzillərə sıçramasının qarşısını alıb. Lakin yanğının yaratdığı qatı tüstüdən yuxarı mərtəbələrdə yaşayan 4 nəfər zərər çəkib. 112 sağlamlıq və xilasetmə qrupları tüstüdən təsirlənənləri nərdivanla xilasetmə vasitəsi ilə çıxardı və təcili yardımlarla Edremit Dövlət Xəstəxanasına göndərilən 4 adamın həyati təhlükəsinin olmadığı öyrənildi.
Qısa müddətdə nəzarət altına alınan və söndürülən yanğının ilkin təsbitlərə görə elektrik kontağından başladığı təxmin edilir.