Elon Mask Braziliyada daşqından zərər çəkən Rio Grande do Sul əyalətinə 1000 internet antenası bağışlayıb. Braziliyanın Rio Grande do Sul əyalətinin qubernatoru Eduardo Leite, iki həftədir davam edən daşqın və torpaq sürüşmələri nəticəsində internet və bir çox rabitə şəbəkəsinin zədələndiyini bildirib.
İlon Maskın bölgəyə 1000 internet antenası bağışladığını açıqlayan Leite, “1000 Starlink internet antenası bağışladığı üçün İlon Maska təşəkkür etmək istərdik.
“Bütün fəlakət dövrü ərzində məlumat xidməti və əlaqə təmin edən bu avadanlıq dövlətimizin yenidən qurulması mərhələsində son dərəcə dəyərli olacaq” deyib.
Musk Qubernatorun təşəkkürünə “xoş gəldin” deyərək cavab verib.
Braziliyada leysan yağışların səbəb olduğu daşqınlarda həyatını itirənlərin sayının 107-yə, itkin düşənlərin sayının isə 136-ya yüksəldiyi bildirilib.
Ölkənin cənubundakı Rio Qrande-du-Sul əyalətində ötən həftədən bəri yağan yağışlardan sonra baş verən daşqınlar səbəbindən can və mal itkiləri artır.
Dövlət Mülki Müdafiəsi tərəfindən verilən açıqlamada ölənlərin sayının 107-yə, itkin düşənlərin sayının isə 136-ya yüksəldiyi bildirilib.
Açıqlamada 374 yaralının xəstəxanalarda müalicə olunduğu, axtarış-xilasetmə işlərinin fasiləsiz davam etdiyi bildirilib.
Yerli KİV-in məlumatına görə, hələ də minlərlə insana elektrik enerjisi və internet xidməti verilmir. Ölənlərin sayının daha da artacağı təxmin edilir.
Digər tərəfdən, həyatını riskə atan yanğınsöndürən və sel zonasında qalan bir çox iti xilas edən görüntülər sosial mediada yayılıb.
Rio Grande do Sul qubernatoru Eduardo Leite mayın 3-də verdiyi açıqlamada hələ də çata bilmədikləri ərazilərin olduğunu bildirib və “Hədsiz dərəcədə müstəsna bir vəziyyətdən keçirik. Bu kritik hadisə deyil, ən dağıdıcı hadisədir”.
Leite faciənin böyüklüyünə görə 180 gün ərzində “fəlakət vəziyyəti” elan etdiklərini və insanların təxliyəsi üçün ciddi səylər göstərdiklərini bildirib.
İki dəfə təbii fəlakətdən zərər çəkmiş ərazilərə səfər edən prezident Lula da Silva bölgəni bərpa edəcəklərini bəyan edib.
Mənbə: Ntv.Tr