Yanvarın 17-də prezidentin xarici siyasət üzrə köməkçisi Hikmət Hacıyev İsrailin bir qrup yüksək vəzifəli diplomatını qəbul edib.
O, Twitter hesabında yazıb ki, İsrail Xarici İşlər Nazirliyinin siyasi direktoru Aliza Bin Nou və Xarici İşlər Nazirliyinin baş direktorunun müavini Coşua Zarka ilə görüşüb.
Görüş Nobel qardaşlarının Bakıdakı ev-muzeyində keçirilib.
Görüş zamanı ikitərəfli münasibətlərin inkişafı məsələləri və regional problemlər müzakirə edilib.
Görüşdə Azərbaycanın İsraildə yeni təyin olunmuş səfiri Muxtar Məmmədov da iştirak edib.
Xəbər verildiyi kimi, yanvarın 16-18-də Bakıda İsrailin Avrasiya ölkələrindəki səfirlərinin görüşü keçirilir. Müzakirə mövzuları bunlardır: Ukraynada müharibə, İran amili fonunda regional problemlər və 2023-cü il üçün planlar.
Daha öncə bu müşavirənin Moskvada keçirilməsi planlaşdırılmışdı.