Bugun.tv xəbər verir ki, Nigeriya menenjit epidemiyası ilə mübarizə aparır. Xəstəlikdən həyatını itirənlərin sayı 118-ə yüksəlib. Epidemiyadan ən çox təsirlənən yaş qrupunun isə 5-14 yaş olduğu deyilir.
Bu barədə ölkənin Xəstəliklərə Nəzarət Mərkəzindən açıqlama verilib. Bildirilib ki, 22 ştatda, eləcə də paytaxt Abucada menenjit epidemiyası yanvarın 1-dən yayılmağa başlayıb. Bu müddət ərzində 1479 şübhəli nəzarətə götürülüb. Onlardan 235-nin testinin cavabı müsbət çıxıb.
Nigeriya hökuməti 2030-cu ilə qədər xəstəliyi məğlub etmək üçün əlindən gələni edəcəyini bildirib.
Qeyd edək ki, beyindən başlayaraq bütün bədənə təsir edən menenjit hava yolu ilə də keçə bilər.
Mənbə: TRT haber