Ermənistan polisi İrəvan küçələrini bağlayan etirazçıları saxlayıb.
Bu barədə Bugün.TV TASS-a istinadən xəbər verir.Məlumata görə Ermənistan polisi bu gün səhər saatlarından başlayaraq baş nazirin istefasını tələb edərək paytaxt İrəvan küçələrini bağlayan onlarla etirazçını saxlayıb. Bu etirazlar yerli xəbər portalları tərəfindən onlayn yayımlanıb. İrəvanın mərkəzində bir neçə küçə bağlanıb, polis həbsləri davam etdirir. Həbs edilənlər arasında eks-prezident Robert Köçəryanın oğlu, keçmiş təhsil naziri, Respublika Partiyasının sədr müavini Armen Aşotyan, digər siyasi və ictimai xadimlər də var.
Xatırladaq ki, mayın 1-dən Ermənistanda hökumət əleyhinə mitinqlər davam edir.Müxalif partiyaların iddiasina görə baş nazir Nikol Paşinyan rəsmi Bakı ilə sülh sazişi imzalamağı və Dağlıq Qarabağı Azərbaycanın bir hissəsi kimi tanımağı planlaşdırır.
