Ermənistan Milli Assambleyası Ermənistanın Avropa İttifaqına (Aİ) üzvlük prosesinin təşəbbüskarı olmaq üçün qanun layihəsini qəbul edib.
Ermənistanın Aİ-yə üzvlük prosesi rəsmən başlayır.
Ermənistanın rəsmi xəbər agentliyi “Armenpress”in xəbərinə görə, parlamentdə keçirilən səsvermədə “Ermənistan Respublikasının Avropa İttifaqına qoşulması prosesinin başlanması haqqında” qanun layihəsi lehinə 63, əleyhinə 7 səslə qəbul edilib.
Sözügedən qanun Ermənistan prezidenti Vaaqn Xaçaturyanın təsdiqindən sonra qüvvəyə minəcək.
Ermənistan Nazirlər Şurasının yanvarın 9-da keçirilən iclasında Aİ-yə üzvlük prosesi ilə bağlı qanun layihəsinin parlamentə təqdim edilməsi qərara alınıb.
Ermənistanın baş naziri Nikol Paşinyan iclasda bəyan edib ki, Ermənistanın Aİ-yə daxil olması qanun və ya hökumətin qərarı ilə deyil, yalnız Ermənistan Konstitusiyasında nəzərdə tutulduğu kimi referendum yolu ilə mümkün olacaq.
Mənbə: Anadolu Agentliyi (AA)