Bugun.tv xəbər verir ki, elmi mütəxəssislərə görə, bu sirli xəstəlik, əvvəlcə ABŞ olmaqla, dünya üzrə sürətlə yayılır. ABŞ-Xəstəliklərin İdarə Olunması və Profilaktikası Mərkəzlərinə (CDC) görə, ölkədə təxminən 450 min insan bu sendromdan təsirlənmiş ola bilər.
TRT Haber-in məlumatına görə, Alpha-gal sendromu, adını “galaktoz-alfa-1,3-galaktoz” adlı bir şəkər molekulundan alır. Bu molekul inək, donuz, dovşan və maral kimi məməlilərin toxumalarında təbii olaraq mövcuddur, lakin insanlarda yoxdur.Bu şəkəri ehtiva edən bir kənənin tüpürcəyi qan dövranına qarışdığında, immun sistemi onu təhdid olaraq qəbul edir və antikor istehsal etməyə başlayır. Daha sonra ət və ya süd məhsulları kimi alpha-gal ehtiva edən qidalar alındığında, immun sistemi bu molekula qarşı səhvən allergik reaksiya verir.Mütəxəssislər bu xəstəliyi tez-tez “qırmızı ət allergiyası” kimi təsvir etsələr də, alpha-gal sendromu yalnız ətlə məhdud deyil: süd, pendir, jelatin, bəzi dərmanlar (məsələn, heparin) və hətta şəxsi qulluq məhsulları da allergiyaya səbəb ola bilir.