2022-ci ilin noyabr ayında görkəmli bəstəkar, tanınmış ictimai xadim, SSRİ-nin və Azərbaycan Respublikasının Xalq Artisti, Sosialist Əməyi Qəhrəmanı, SSRİ və Azərbaycan Respublikasının dövlət mükafatları laureatı Fikrət Əmirovun anadan olmasının 100 illiyi tamam olur.
Bugün.tv TÜRKSOY-a istinadən xəbər verir ki, bu münasibətlə Oktyabrın 9-da Türkiyənin paytaxtı Ankarada görkəmli Azərbaycan bəstəkarı Fikrət Əmirovun xatirəsinə həsr olunmuş konsert keçiriləcək.
Qeyd edək ki, konsert “Başkent Kültür Yolu Festivalı” festivalı çərçivəsində təşkil olunacaq. Tədbirdə Çukurova adına Dövlət Simfonik Orkestri çıxış edəcək.
