Bugun.tv xəbər verir ki, Fransada şiddətli terror aktları riski səbəbindən küçələrdə təhlükəsizliyi təmin etmək üçün 7 min əsgər təyin edilib. Şiddətli terror aktları olduqda elan edilən “fövqəladə hücum” vəziyyəti tətbiq edilib.
Fransada ordu küçələrə axışıb.”TRT Haber” in məlumatına əsasən ölkədə şiddətli terror aktları baş verən zaman elan edilən “fövqəladə hücum” vəziyyəti tətbiq edilib.
Qərar Fransada bir nəfərin öldüyü, üç nəfərin yaralandığı hücumdan sonra verilib.
Daxili işlər naziri Gerald Darmanin “Hər bir fransız evindən çıxarkən diqqətli olmalıdır” deyə xəbərdarlıq edib.
Parisdəki Luvr muzeyi bomba təhlükəsi səbəbindən bağlanıb. Ölkə ərazisində təhlükəsizliyin artırılması üçün əlavə tədbirlər görülüb. Sentinelle əməliyyatı adlı hərbi əməliyyata 7 min əsgər təyin edilib. Əməliyyat ölkənin həssas bölgələrini terrordan qorumaq məqsədi daşıyır.
Müxbir: İntizar Əmirova