Bugun.tv xarici mediaya istinadla xəbər verir ki, EDF-nin məlumatına görə, stansiyanın soyutma sistemindəki nasosların tıxanması dörd reaktorun avtomatik olaraq bağlanmasına, digər iki blokun isə təmirə məruz qalmasına səbəb olub. Təsirə məruz qalan filtrlər zavodun nüvə hissəsindən kənarda yerləşir. Buna görə də insident obyektlərin, personalın və ya ətraf mühitin təhlükəsizliyinə heç bir təsir göstərməyib. Meduzaların “hücumuna” məruz qalan filtrlər zavodun nüvə hissəsindən kənarda yerləşir. “Qravlin” atom elektrik stansiyası Kale şəhəri yaxınlığında yerləşir və hər birinin gücü 900 MVt olan altı reaktordan ibarətdir. 2040-cı ilə qədər gücü 1600 MVt olan daha iki reaktorun tikintisi planlaşdırılır. EDF nümayəndələri reaktorların avqustun 14-də işə başlayacağını bildiriblər. Onlar əlavə ediblər ki, Fransanın elektrik şəbəkəsində elektrik enerjisi çatışmazlığı təhlükəsi yoxdur.
Fransada ən böyük AES meduzaların “hücumu” nəticəsində fəaliyyətini dayandırdı
