Gəncə şəhərində velosipedlə çoxgünlük ötüşmələr üzrə Azərbaycan çempionatı başlayıb.
Bugün.tv məlumat verir ki, çempionat Oktyabrın 6-dan 9-dək Azərbaycan Respublikası Gənclər və İdman Nazirliyi və Azərbaycan Velosiped Federasiyasının təşkilatçılığı ilə Gəncə şəhərində keçirilir.
Şose velosipedinin dairəvi, qrup ötüməsi və fərdi ötüşmə növləri üzrə baş tutan 4 mərhələli yarışda bütün yaş kateqoriyaları üzrə idmançılar iştirak edə bilərlər.
Qeyd edək ki, Beynəlxalq Velosipedçilər İttifaqının mövcud qaydalarına əsasən keçiriləcək yarışın bütün mərhələləri saat 10:00-da başlayır. Həmçinin yarışa həvəskar velosipedçilər də qatıla bilər.
Xatırladaq ki, Çempionatda ilk üç yeri tutan velosipedçilər Gənclər və İdman Nazirliyi və Azərbaycan Velosiped Federasiyası tərəfindən medal, diplom və qiymətli hədiyyələrlə mükafatlandırılacaqlar.
