“ Audiokitab “-ın direktoru Əhliman Ərşadlının Bugun.tv yə verdiyi məlumata görə , bu tətbiqdən görmə əngəlli insanlarla yanaşı , xaricdə yaşayan soydaşlarımız da istifadə edə bilərlər. Yeddi ildir ki fəaliyyət göstərən “Audiokitab ”-da Azərbaycan klassiklərindən tutmuş müasir yazarların əsərləri də səsləndirilir.Portalda nəinki bədii ədəbiyyat eyni zamanda tarixi , texniki , hüquqi ədəbiyyat da yer alıb.
![](https://bugun.tv/wp-content/uploads/2022/06/image.png)
“Audiokitab”ın mətbuat katibi Əşrəf Həşimoğlu deyir ki , bu layihədə daha çox görmə məhdudiyyətli insanların istəyi nəzərə alınır. Müsahibim görmə məhdudiyyətli olduğu üçün , onlarla whatsapp qruplaşmasında yeni əsərləri və qiraətçilərin səslərini müzakirə edir və dinləmək istədikləri kitabları portala yerləşdirir.
![](https://bugun.tv/wp-content/uploads/2022/06/image-1.png)
“Audiokitab”ın qiraətçisi “ Yuq” teatrının aktrisası Təranə Ocaqverdiyeva dörd ilə yaxındır bu işlə məşğul olduğunu , Ramiz Rövşənin “ Xəyanət” , Nikolas Sparksın “ Ən dəyərlim “ , Rafiq Şahbazovun “Onun həyatında iki qadın vardı ” adlı kitablarını həvəslə səsləndirdiyini və hər kəsi audiokitabı dinləməyi tövsiyyə edib .
![](https://bugun.tv/wp-content/uploads/2022/06/WhatsApp-Image-2022-06-08-at-15.21.09-1024x500.jpeg)