Yaponiyanın Yamaquçi əyalətinin Şimonoseki şəhərində müvəqqəti bağlanan akvarium səlahiyyətliləri, tənhalıq səbəbiylə sağlamlıq problemi yaşadığı bildirilən günəş balığına kartonu insan ziyarətçi etməklə çarə tapıb. Yaponiyanın Mainichi qəzetinin xəbərinə görə, Şimonosekidəki Kaikyokan Akvariumunun X sosial media hesabında günəş balığının sağlamlıq vəziyyəti ilə bağlı paylaşım edilib.
Yazıda, 2024-cü ilin dekabrında akvariumun müvəqqəti olaraq təmirə bağlanmasından sonra günəş balığının bir müddət sağlamlıq problemi yaşadığı bildirilib.
Səlahiyyətlilər əvvəlcə sağlamlıq problemlərinin bir növ parazit və ya həzm problemindən qaynaqlandığını düşünürdülər, lakin sonradan belə qənaətə gəldilər ki, ziyarətçilərin olmaması səbəbindən günəş balığının təcrid olunması bu problemlərə səbəb ola bilər.
Səlahiyyətlilər balıq üçün kartondan insan düzəltmək yolu ilə bu vəziyyətə çarə tapıb və akvariumun xaricində insan təsvirləri olan karton və paltarları asılaraq, ona qonaq görünüşü verib.
Səlahiyyətlilər bir müddət sonra günəş balığının səhhətinin yaxşılaşdığını qeyd edib.
Mənbə: TrtHaber