Bugun.tv xəbər verir ki, yay aylarında pəncərələri günəşli istiqamətə baxan mənzillərdə otaqların temperaturu sürətlə yüksəlir. Mütəxəssislər bildirirlər ki, istidən qorunmaq üçün ilk növbədə otağa daxil olan günəş şüalarının qarşısını almaq lazımdır.
Məlumata görə, əsas səhvlərdən biri yalnız qızmış havanı soyutmağa çalışmaqdır. Günəş əvvəlcə şüşələri, divarları, döşəməni və mebelləri qızdırır, daha sonra isə həmin səthlər istiliyi otağa yayır. Buna görə həm günəş şüalarının qarşısını almaq, həm də havanın sərinləməsinə kömək etmək tövsiyə olunur.
Mütəxəssislər istidən qorunmaq üçün aşağıdakı üsulları tövsiyə edirlər:
Blackout (işıqkeçirməyən) pərdələrdən istifadə etmək;
Rulon pərdələr və jalüzlər quraşdırmaq;
Pəncərələrə günəşə qarşı əks etdirici plyonka çəkmək;
Ventilyatordan istifadə etmək;
Kondisioner quraşdırmaq;
Mobil kondisionerlərdən yararlanmaq;
Eyvan və terraslarda günəşlik və tentlər quraşdırmaq;
Otağın rütubət səviyyəsini nəzarətdə saxlamaq;
Səhər tezdən və axşam saatlarında havalandırma aparmaq;
Günün isti saatlarında pəncərələri bağlı saxlamaq.
Məqalədə qeyd olunur ki, yay aylarında soba, elektrik plitəsi, güclü kompüterlər və digər məişət avadanlıqları da otaqda əlavə istilik yaradır. Buna görə isti günlərdə onların istifadəsini minimuma endirmək tövsiyə edilir.
Ekspertlərin fikrincə, ən effektiv nəticə bir neçə üsulun birlikdə tətbiqi zamanı əldə olunur. Məsələn, günəşə qarşı plyonka, qalın pərdə, düzgün havalandırma və ventilyatorun birgə istifadəsi mənzildə temperaturun nəzərəçarpacaq dərəcədə azalmasına kömək edə bilər.
Mənbə: BestProducts Mail