Dünya

Gürcüstan parlamentində deputatlar arasında dava düşüb

Bugun.tv xəbər verir ki, Gürcüstanda hakim Gürcü Arzusu Partiyası ötən il Tbilisidə nümayişlərə və parlamentdə dava-dalaşa səbəb olan “Xarici təsirin şəffaflığı haqqında” qanun layihəsini yenidən gündəmə gətirib.

Gürcüstanda ötən il “Xarici agent qanun layihəsi” kimi də xarakterizə edilən “Xarici təsirin şəffaflığı haqqında” qanun layihəsi parlamentin hüquq komitəsində müzakirəyə çıxarılıb.

Hakim partiyanın bu il yenidən təqdim etdiyi qanun layihəsinə reaksiya verən müxalifət partiyalarından olan deputatlar komitə iclasında layihənin əleyhinə şüarlar səsləndiriblər.

Müxalifətdən olan deputatlar sözügedən qanun layihəsinin ölkənin Avropa İttifaqına (Aİ) inteqrasiyası üçün təhlükə yaratdığını müdafiə edərək, qanunun təsdiq edilməməsi lazım olduğunu vurğulayıblar.

Müxalifətdən olan deputatlar sözügedən qanun layihəsinin ölkənin Avropa İttifaqına (Aİ) inteqrasiyası üçün “təhlükə” yaratdığını müdafiə edərək, qanunun təsdiq edilməməsi lazım olduğunu vurğulayıblar.

Gürcü Arzusu Partiyasının parlament çoxluğunun lideri Mamuka Mdinaradze sözügedən qanun layihəsini komitənin iclasında təqdim edib.

Müxalifətin “Vətəndaşlar” partiyasından olan deputat Aleko Elisaşvili çıxış edən Mdinaradzeni yumruqlayıb.

Dava səbəbindən yarımçıq qalan sessiya bir neçə dəqiqə sonra davam edib.

Aynur Camal

Oxşar xəbərlər

Tanzaniya yaranmasının 60 illiyini qeyd edir

Aynur Camal

Çexiyanın yeni prezidenti Kiyevə getməyi planlaşdırır

Nigar Məmmədova

ABŞ və İsveç arasında hərbi əməkdaşlıq sazişi üzrə danışıqlar başa çatıb

İntizar Əmirova

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu