HƏMAS ABŞ-ın təklif etdiyi atəşkəs rejimini təsdiqlədiyini elan etdikdən sonra bütün gözlər İsraildə idi. İsrailin baş naziri Benyamin Netanyahu atəşkəs elan etməyə hazır olmadıqlarını bildirib.
Misirin xarici işlər naziri Samih Şükri HƏMAS-ın ABŞ-ın təklif etdiyi atəşkəs rejimini qəbul etdiyini açıqlayıb. HƏMAS-ın bu müsbət addımından sonra bütün gözlər İsraildə olarkən baş nazir Binyamin Netanyahudan açıqlama gəldi. Netanyahu bildirib ki, girovların dəyişdirilməsi və atəşkəs təklifləri Qəzzaya hücumları dayandırmayacaq, ancaq israilli girovların azad edilməsi üçün müvəqqəti atəşkəs təmin edəcək.
İsrail mətbuatında çıxan xəbərlərə görə, Netanyahu parlamentin Xarici Əlaqələr və Müdafiə Komitəsində çıxışında ABŞ prezidenti Co Baydenin Qəzzada açıqladığı atəşkəs və girov təklifinə qarşı çıxıb.
Baydenin Qəzzaya hücumlara son qoyulması təklifinə ilk reaksiyasını verən Netanyahu İsrailin təklif etdiyi ilə Baydenin təklifi arasında “boşluqlar” olduğunu iddia edib.
Atəşkəs elan etməyə hazır olmadığını qeyd edən və Baydenin açıqlamalarını tənqid edən Netanyahu, “Bayden (təklifində) mühüm bir detala toxunmadı. İkinci mərhələdə İsrail müharibəni sona çatdırmağa razı olmadı, sadəcə olaraq bunu istədi. Müharibənin sonunu müzakirə etmək nə deməkdir? Biz yalnız öz şərtlərimizlə razılaşırıq.”
Baydenin açıqlamalarına baxmayaraq, ilk mərhələdə azad ediləcək girovların sayı ilə bağlı hələlik razılığa gəlmədiyini bildirən Netanyahu, razılaşmada bir çox detalın olduğunu və bunların hamısına nail olunmayana qədər hücumların bitməyəcəyini bildirib.
Netanyahu, “Əsirləri azad etmək üçün atəşkəsi 42 gün dayandıra bilərik, amma müharibəni dayandıra bilmərik” deyib.
Razılaşmanın təfərrüatlarını açıqlamayacağını bildirən Netanyahu, “Ancaq ABŞ prezidentinin izah etdikləri həqiqətə uyğun deyil, hələ açıqlanmayan daha detallar var” deyib.
Baş nazir Netanyahu bildirib ki, hazırkı təkliflər Qəzzaya hücumları dayandırmayacaq, ancaq Qəzzada israilli məhbusların azad edilməsi üçün müvəqqəti atəşkəsə səbəb olacaq.
Mənbə: TGRT