Bugun.tv xəbər verir ki, Çorum L Tipi Qapalı Cəza Müəssisəsində bir məhkumun çarpayısını yandırması nəticəsində baş verən yanğında 3 islah məmuru və 9 məhbus tüstüdən təsirlənərək xəstəxanaya aparılıb. 12 nəfər jandarmaya aid avtomobillərlə Hitit Universiteti Erol Olçok Təhsil və Araşdırma Xəstəxanasına göndərilib. Məhkumlar gətirilərkən xəstəxana ətrafında təhlükəsizlik tədbirləri görülüb. Çorum İl Jandarma Komandiri baş polkovnik Naim Çetinkaya L Tipi Qapalı Cəza Müəssisəsinə gedərək orada yoxlama aparıb.
TRT Haberin məlumatına görə, İl Təhlükəsizlik Müdiri Arif Pehlivan da xəstəxanaya gələrək tüstüdən zərər çəkənlərin vəziyyəti ilə bağlı məlumat alıb.
Müxbir: Şəms Elnurqızı