Bugun.tv xəbər verir ki, turizm cənnəti Havayın ən böyük adalarından biri olan Maui, tarixində ən böyük meşə yanğını fəlakətini yaşayır. Yanğınlarda həyatını itirənlərin sayı 80-ə çatıb, yüzlərlə insan itkin düşüb. Alovla mübarizə üç fərqli nöqtədə davam edir.
Axtarış işlərinin meyit itləri ilə aparıldığı bir vaxtda ölənlərin sayının arta biləcəyi vurğulanıb. Kolluqlardan qəsəbəyə yayılan Lahaina yanğınının hələ də davam etdiyi, lakin 85 faizinin nəzarət altında olduğu bildirilib. Adada baş verən digər iki meşə yanğınından birinin yüzdə 80, digərinin isə yüzdə 50-nin nəzarət altına alındığı öyrənilib. Alovla mübarizə üç fərqli nöqtədə davam edir.
Adada təbii fəlakət kimi hadisələr zamanı xəbərdar etmək məqsədi daşıyan təcili sirenlərin yanğın zamanı səs vermədiyi iddia edilib.
“Mən nə baş verdiyini dəqiqləşdirmək üçün hərtərəfli araşdırmaya başlamağı tapşırmışam”, – Havay adalarının qubernatoru Coş Qrin ABŞ mediasına verdiyi açıqlamada bildirib.
Müxbir: İntizar Əmirova