Bugun.tv xəbər verir ki, İsrail ordusu Qəzza zolağının şimalında Şifa xəstəxanasına hücumlarını davam etdirib və ətrafdakı binaları yandırıb. Məlumatı HƏMAS yayıb.
Açıqlamada İsrail ordusunun Şifa xəstəxanası və ətrafına qarşı hücumlarını dördüncü gündür davam etdirdiyi bildirilib. Qeyd olunub ki, İsrail əsgərləri xəstəxanaya, onun infrastrukturuna və avadanlıqlarına ziyan vurub, xəstələri, tibb işçilərini və məcburi köçkün mülki vətəndaşları içəridə saxlayıb, ətrafdakı binaları yandırıb partladıblar. Xəstəxanada olanların silah hədəsi altında cənuba getməyə məcbur edildiyi bildirilib.
Bəyanatda Şifa xəstəxanası və ətrafda baş verənlərlə bağlı beynəlxalq ictimaiyyətin susmasına da reaksiya verilib, ərəb ölkələri və xalqına “soyqırımı dayandırmaq üçün hərəkətə keçməyə” çağırılıb.