Bugun.tv xəbər verir ki, Livan Hizbullahının baş katibinin müavini Naim Kasım bəyan edib ki, Qərb ölkələrinin İsrail-Fələstin məsələsinin iki dövlətli həll tərəfdarı olduqlarına dair iddiaları göz yummaqdan başqa bir şey deyil. Hizbullahın verdiyi açıqlamaya görə, Kasım, İsrailin 20-ci əsrin əvvəllərindən bəri qətl və qırğınlarla Yaxın Şərqdəki varlığını qoruduğunu bildirib.
TRT Haber-in məlumatına görə, Hizbullah baş katibinin müavini Kasım deyib: “Müqavimət qanuni hüquqdur və mövcud olmalıdır, mübarizə, qarşıdurma və azadlıq hüququ var, əks halda torpaq geri alına bilməz. ABŞ və İsrail bilməlidir ki, indi baş verən hər şeyin siyasi və mənəvi nəticələrini onlar çəkəcəklər. .Qərb ölkələri iki dövlətli həll tərəfdarlarıdır “Vəziyyətin belə olduğu iddiaları göz yummaqdan başqa bir məqsədə xidmət etmir.”
“Əqsa tufanı böyük uğur qazanan qəhrəmancasına bir müqavimət hərəkəti idi, İsrailin Əl-Əqsa tufanında ən böyük məğlubiyyətə uğradığını və bir daha məğlubiyyət istəmirsə dayandırmalı olduğunu” ifadə edən Kasım, “ müqavimət İsrail məhv edilənə qədər davam edəcək” və əlavə etdi: “Hizbullah üçün müqavimət “İsraili devirmək layihəsinin bir hissəsidir. Kompas Fələstin və Qüdsdür.” dedi. İsraillilərin daha da müdaxiləsi ilə işlərin gərginləşə biləcəyini qeyd edən Kasım, İsrailin hücumlarında həyatını itirənlərə rəhmət, yaralananlara isə şəfa diləyib. HƏMAS-ın silahlı qanadı İzzəddin əl-Qəssam Briqadaları oktyabrın 7-də səhər saatlarında İsrailə qarşı “Əqsa tufanı” adlı hərtərəfli hücuma keçib. Qəzzadan İsrailə doğru minlərlə raket atılarkən, fələstinli silahlı qruplar Qəzza-İsrail sərhədindəki Beyt Hanun-Erez Sərhəd Qapısına basqın edərək ələ keçirib. Daha sonra buradan silahlı qruplar İsrail daxilindəki yaşayış məntəqələrinə daxil olub və İsrail ordusu onlarla döyüş təyyarəsi ilə Qəzza zolağına hücum edib. Qəzzadan həyata keçirilən hücumlarda 306-sı əsgər olmaqla 1400 israillinin öldüyü, 4834 israillinin yaralandığı bildirilib. Fələstin Səhiyyə Nazirliyi Qəzzada İsrailin Qəzzaya təşkil etdiyi hücumlarda 1756-sı uşaq olmaqla 4 min 385 adamın öldüyünü, 13 mindən çox insanın isə yaralandığını açıqlayıb. İşğal altındakı İordan çayının qərb sahilində İsrail qüvvələrinin və yəhudi məskunlaşanların hücumları nəticəsində 84 fələstinlinin həlak olduğu bildirilib. İsrailin hücumlarında 16 jurnalist həyatını itirib. İsrailin Livan sərhədində oktyabrın 8-də İsrail ordusu ilə Hizbullah arasında başlayan qarşıdurmada 12 Hizbullah üzvü və biri jurnalist olmaqla 3 mülki şəxs həyatını itirib. Livanın həyata keçirdiyi hücumlarda 3 İsrail əsgəri və bir İsrail vətəndaşı həyatını itirib.
Müxbir: İntizar Əmirova