Dünya

Hizbullahdan İsrailə raket hücumu! Bir çox yerdə yanğın baş verib

Livandakı Hizbullah tərəfindən İsrailin şimalındakı bölgələrə onlarla raket atılıb. Hücumdan sonra raketlər İsraildə yanğınlara səbəb olub. Yaşayış məntəqələrinə yaxınlaşan alovlar saatlarla nəzarət altına alına bilməsə də, İsrail yanğınsöndürmə briqadası yanğına havadan və qurudan müdaxilə etməyə davam edir. Yanğından zərər çəkən ərazidə bəzi evlər təxliyə edilir.

İsrail mərkəzli “Ynet” xəbər saytındakı xəbərdə ölkənin şimalındakı Yuxarı Cəlil bölgəsində dağ silsiləsində baş verən yanğına 14 komandanın 5 saatdır müdaxilə etdiyi bildirilib.

Xəbərdə İsrailin “Marqaliot” qəsəbəsində evlərə yaxınlaşan yanğının nəzarət altına alındığı, yanğın səbəbilə ərazidəki bəzi evlərin boşaldıldığı bildirilib.

“Ynet” xəbər saytındakı başqa bir xəbərdə yanğının dünən Livanda Hizbullah tərəfindən atılan bir sıra raketlərdən sonra baş verdiyi qeyd edilib. Xəbərdə yanğınlara 6 yanğınsöndürən təyyarə ilə müdaxilə edildiyi vurğulanıb və Hizbullahın atdığı yeni raketlər səbəbindən yanğınların təkrarlandığı diqqətə çatdırılıb.

Hizbullah Hərəkatı Livanın cənubundan İsraillə sərhəddə yerləşən qeyri-qanuni yəhudi yaşayış məntəqəsinə Katyuşa və İran istehsalı raketlərlə hücum etdiyini açıqlayıb.

Mənbə: TGRT

Aynur Camal

Oxşar xəbərlər

Rusiyanın idman naziri Afrika ölkələrinə səfər edəcək

Nigar Məmmədova

“Biz bu fırtınaları ancaq beş və ya 10 ildən bir görə bilərik”

Sevinc Sadıqova

Rusiya atəşkəsə razılaşdı

Könül Kərimova

Bu veb sayt təcrübənizi yaxşılaşdırmaq üçün kukilərdən istifadə edir. Güman edirik ki, bununla razısınız, lakin istəsəniz, imtina edə bilərsiniz. Qəbul edin Ətraflı Oxu