Doktor Demyanovskaya: gündüz yuxusu emosional vəziyyəti yaxşılaşdırır.
Qısa gündüz yuxusu beyni effektiv şəkildə “yenidən işə salmağa” kömək edir: emosional vəziyyəti sabitləşdirir, stress səviyyələrini azaldır, öyrənmə prosesini sürətləndirir, həmçinin idrak qabiliyyətlərini və yaddaşı yaxşılaşdırır. Nevroloq, tibb elmləri namizədi, Gemotest laboratoriyasının eksperti Yekaterina Demyanovskaya bu barədə RİA Novosti-yə müsahibəsində danışıb.
“İlk növbədə, insan mürgüləyir – ürək döyüntüsü və tənəffüs yavaşlayır, əzələlər rahatlaşır. Sonra səthi yuxu gəlir, o zaman ki, beyin xarici məlumatları emal etməyi, dərin yuxuya hazırlaşmağı dayandırır. Alimlər yuxunun bu birinci və ən qısa mərhələsindən dərhal sonra beyinin daha aktiv işlədiyini müşahidə ediblər”, – mütəxəssis bildirib.
Bəzi araşdırmalar göstərir ki, gün ərzində yatmaq vərdişi beynin qocalmasını bir neçə il ləngidir, lakin bunun üçün etibarlı sübut yoxdur, deyə o əlavə edib.
Mənbə: mail.ru