Avstraliyanın şərq sahillərində, Qold Cost (Qızıl Sahil) şəhəri yaxınlığında Main Beach-də iki helikopterin havada toqquşması nəticəsində dörd nəfər ölüb, üç nəfər ağır yaralanıb.
Qəza barədə məlumat daxil olduqdan sonra təcili yardım xidmətləri hadisə yerinə çağırılıb.
Müfəttiş vəzifəsini icra edən şəxs Gary Worrell, helikopterlərin “Sea World” əyləncə parkı xaricində havada qəzaya uğradığını söyləyib: “helikopterlərdən biri havaya qalxarkən, digəri isə eniş edərkən toqquşdular”. “Sea World” müvəqqəti olaraq bağlanıb. Avstraliya Nəqliyyat Təhlükəsizliyi Bürosu araşdırmaya başlayıb.
Mənbə: 7NEWS