Bugun.tv xəbər verir ki, İmran Xanın tərəfdarları və polis arasında qarşıdurma baş verib. Sülh asayişçiləri Xanın Lahordakı evinin qarşısındakı izdihama qarşı gözyaşardıcı qazdan istifadə edib. Onlar isə polisə daş və çubuqlar atmaqla cavab veriblər.
Xatırladaq ki, Xan baş nazir olduğu illərdə xarici dövlət məmurları tərəfindən verilən rəsmi hədiyyələri satmaqda ittiham olunur. Buna görə də məhkəmə onun haqqında həbs orderi çıxarıb.
Qərardan sonra Ədalət Hərəkatı Partiyasının üzvləri Xanın evinin qarşısına toplaşaraq, ona dəstək olmağa başlayıb. Tərəfdarlar başqa şəhərlərdə də küçələrə axışıblar. Onlar liderin günahsız olduğunu əks etdirən şüarlar səsləndiriblər.
