İndoneziyanın Şimali Maluku əyalətindəki İbu vulkanında baş verən silsilə püskürmələrdən sonra xəbərdarlıq səviyyəsi ən yüksək səviyyəyə qaldırılıb. İndoneziya Geologiya İdarəsinin rəsmilərindən Məhəmməd Vafid ötən həftədən bəri partlayışların yaşandığı İbu vulkanı ilə bağlı açıqlama verib.
Vafid, əyalətdəki Halmahera adasındakı vulkanın vulkanik fəaliyyətlərinin araşdırılması nəticəsində xəbərdarlıq səviyyəsinin ən yüksək səviyyə olan 3-dən 4-ə yüksəldildiyini bildirib.
Səlahiyyətlilər yerli əhaliyə və turistlərə 1325 metr yüksəklikdəki İbu vulkanının 7 kilometrliyində heç bir fəaliyyətlə məşğul olmamaq barədə xəbərdarlıq edib.
Mayın 13-də İbu vulkanının püskürməsi nəticəsində ətrafda kül buludları əmələ gəlib.
Vulkanologiya və Geoloji Təhlükələrin Azaldılması Mərkəzi (PVMBG) püskürmə zamanı vulkanın yaydığı vulkanik külün zirvədən təxminən 5 kilometr yüksəkliyə çatdığını və partlayışın 5 dəqiqə 6 saniyə davam etdiyini qeyd edib.
“Sakit okean od halqası” zəlzələ və vulkan qurşağında olan İndoneziyada təxminən 130 aktiv vulkan var.
Mənbə: Ntv.Tr