İyulun 29-da İngiltərədə bıçaqlı hücumdan sonra baş verən zorakılıqda saxlanılanların sayı 378-ə yüksəlib.
İyulun 29-da İngiltərənin Southport şəhərində rəqs məktəbinə 3 qızın ölümü ilə nəticələnən bıçaqlı hücumdan sonra yayılan yalan məlumat nəticəsində küçələrdə zorakılıq davam edir.
Polis zorakılıqda iştirak edənlərin müəyyən edilməsi istiqamətində işlərin fasiləsiz davam etdiyini və saxlanılanların sayının artacağını bildirib.
Böyük Britaniyanın baş naziri Keir Starmer polisin zorakılıq hallarına cavab verməsini təmin etmək üçün mütəxəssis polislərdən ibarət “daimi ordu”nun yaradıldığını elan edib.
Şimali İrlandiyada parlament fasilə verib
Şiddətli insidentlərdən sonra Şimali İrlandiyada tətildə olan deputatlar yenidən parlamentə çağırılıb.
Bir çox ölkələr səyahət xəbərdarlığı edib
Avstraliya, Malayziya və Nigeriya kimi ölkələr İngiltərədəki zorakılıqlara görə öz vətəndaşlarına səyahət xəbərdarlığı edib.
Nə olub?
Southportda 3 uşağın öldüyü hücumdan sonra bəzi sosial media hesabları və xəbər saytları təcavüzkarın müsəlman qaçqın olduğu iddiasını yayıb.
Polis hücum edənin Uelsin paytaxtı Kardiffdə doğulmuş 17 yaşlı gənc olduğunu açıqlasa da, ifrat sağçı ekstremistlər müsəlmanlara və mühacirlərə qarşı aksiyalar həyata keçiriblər. Etirazlar İngiltərənin bir çox şəhərlərinə yayılıb.
Mənbə: Haber Global